كل ما يخص امتحانات بنك مصر من امتحان الجامعه الامريكيه والانترفيو والكشف الطبي حتي استلام العمل.
اولا بخصوص امتحان الجامعه الامريكيه:
الامتحان مافيهوش ترجمة ولا برجراف
الانجلش بيجى جرامر ثانوى واى حد يقولك موجود فى الفايلات يبقى
بيضحك عليك
الانجلش بيجي فيه ليسننج وريدنج
الامتحان كله اختيارى
الامتحان بيتضمن اول ساعه ايكيو (عباره عن متتاليات ومتواليات
واشكال هندسيه )
والساعتين التانيين (انجلش مقسم الي ليسننج وقطع ريدنج وجرامر
واكسبريشنز) كلهم عباره عن اختيارات وكذلك جزء محاسبه واقتصاد واداره ومواقف كلهم
اختيارات بردو
لبس الامتحان كاجوال اوفورمال زي ماتحب ولبس الانترفيو لازم فورمال
الامتحان عربى وجنب السؤال مترجم انجلش
بنك مصر مش بيقبل معاهد خاصة ماعدا اكاديمية السادات والاكاديمية
البحرية والاكاديميات المعتمده وغير كدة حتى لو اتبعتله الامتحان مش بيرضوا يمتحنوه
ده لينك فايلات الامتحان ياريت تفتحوه وتذاكروه كويس اللينك دا فيه
فايلات امتحان الجامعه الامريكيه بالاضافه للينك للسيننج وقطع القراءه ال بيجي
عليها امتحانات ملحوظه*** اما الفايلين التانيين ال جوا بردو ال هما احمد وسن ويل
رايز دول للانترفيو
وده لينك لاهم بوست لتجارب الممتحنين (ملحوظه البوست + التعليقات
هام جادا ويحتوي معلومات جديده باستمرار)
ودي لينكات مختلفه لتجارب ناس امتحنت نصيحه اقروا كل البوستات دي
هتستفيدوا جدا لو طلعت من كل بوست بسؤال انت مستفيد وهتعرف اكتر اساله بتتكرر
وهتركز.عليها
ودا لينك فايل احمد للانترفيو
ودا لينك فايل سن ويل رايز للانترفيو
ودا لينك بوست عن تجربه انترفيو مصرفي
الفايل دا حلو في معلومات محاسبه شيقه
بالنسبه للكشف الطبي
اقرب مترو محطة محمد نجيب - اليوم ده بيكون عباره عن انك بتمضى على
اوراق وتعهدات كتير وبعد كده فى كشف اطراف فى الادارة الطبيه للبنك وتحليل مخدرات
وبتروح بعدها ب 4 او 5 ايام عشان تكمل الكشف الطبى
وطبعا بعد ما ربنا بيكرمك
بيتصلوا بيك علشان تمضي العقد وتستلم العمل
اتمني نكون قدرنا نجمع اهم الاستفسارات والمعلومات في البوست دا
وان شاء الله دايما هنحدث البوست ونضيف ليه اي معلومات جديده
كمان نحب ننوه ان الصفحه دي صفحه غير رسميه والقائمين عليها
مجموعه من الشباب ال امتحنوا قبل كده ونفسهم يساعدوا زمايلهم انهم
ينجحوا زيهم ونتمني المشاركه بكل معلومه من كل زميل بيمتحن سواء امريكيه او
انترفيو
بالتوفيق لكل الممتحنين
مرحبا، أسمي محمد وهذه مدونتي أسعى دائما لأقدم لكم أفضل المواضيع الخاصة بالتكنلوجيا
ليست هناك تعليقات:
إرسال تعليق